[ ] [ ]

Nadir Däülät: Ali Akış 93 yäştä Ankarada wafat buldı

Ali Akış 93 yäştä Ankarada wafat buldı. İstanbul, 17.07.2011

Üzenä 1990-nçı yıllarda Qazanda Bötendönya Tatarları Ligası räise isme birelgän Ali Akış İyünneŋ 17-sendä irtänge sägatlärdä wafat buldı. Yıraq diasporada yäşäwçe tatar canlı keşelärneŋ aldıngarınnan Ali Akış 1918-nçe yılda Manjurniäneŋ Haylar isemle şähärendä dönyaga kilä. 1936-nçı yılda Qıtydagı İdel-Ural Törek-Tatar Möselmannarınıŋ milli mädäni üzäge anı häm tagı öç yäşne Qahirägä cibärälär. Alar imam bulıp ölgerergä tiyeş bulsa da, bere dä andagı şartlara tüzälmi Axat belan Gali 1938-nçe yılda Gäyaz İsqanineŋ çaqıruwı belan Warşawga baralar. Läkin ikençe dönya sugışınıŋ qabunuwı säbäple Ali äfände awır vazgiättä qala. Şulayda biredäge öç tatar yäşenä Warşaw törek ilçelege pasport birä, alar Törkiägä sıyınalar.

1940-nçı yıldan 1966-çı yılgaça Ali Akış Törkiädä gömer uzdıra. Anıŋ isemä 1936-nçı yılda çığargan İdel-Ural Probleması häm Sovyet İmperializmı isemle 46 bitlek äsäre belan başta Törkiedä soŋgaraq Sovyet Tatarstanında işetelä. Tatarlar bu kitapqa xocem itkän bulıp üz problemaların da mätbugatta yangıratu forsatı tabalar.

Akiş 1966-nçı yılnıŋ 29-nçı Sentaberendä Münxen şäherendä Azatlıq radiosınıŋ Tatar-Başqort redaksiäsendä eşkä başlıy. 17 yıldan soŋ 1983-nçe yılda 65 yäştä pensiägä çığa. Törkiägä kire qayta. 1991-çe yıldan soŋ yullar açılgaç ber niçä märtäbälär Tatarstanga vizit yasıy. Şunda anı Gäyaz İsxaqi belan xezmättäşlek itkän häm anı yaqından tanıgan şäxes bularaq bik xörmät itälär. Ber mäktäpkä anıŋ isme birelä. 2005-nçe yılda Qazanda Gali Akış: millätkä bağışlangan gömer isemle äsär dönya kürä. Şuşı kitap Ankarada 2002-nçe yılda törek häm ingliz tellärendä dä basılıp çığa.

2000-nçe yıllar başında qartayuwı säbäple Bötendönya tatarları ligası räislegen Sadri Maqsudinıŋ onıgı Dr. Gönül Pultarga tapşıra.

Märxum gomere buyı İdel-Uralnıŋ bäysezlege xıyalları belan yäşäde. Keşelär belan mönäsäbete yomşaq bulsa da, üz fikerlärennän xic ber waqıt vaz kiçmede. Urını cännättä bulsın.

Prof. Dr. Nadir Däülät


17-07-11 13:24



Irek Bikkinin   17-07-11 06:50
Nadir Däülät Ali Akış 93 yäştä Ankarada wafat buldı 17-07-11 13:24
Irek Bikkinin 90 (2008 "" )  17-07-11 13:46
Nadir Däülät Ali Akish has passed away (1918-2011)  17-07-11 18:50
Irek Bikkinin Re:Ali Akish has passed away (1918-2011)  17-07-11 18:53
Sabirjan Badretdin ALI AKISH (1918 - 2011)  18-07-11 05:51






:
Email
Cc